Haba Peuingat Bek Keunoeng Narkoba

Alhamdulillah, wa bihamdihi
Ulon neuk rawi, bacut Lam Haba
Keu Rasulallah, sigahla puji
Ateuh Ashhabi, dan keluarga

Assalamu’alaikum, saleum ulon bri
Keu Mandum akhi, Tuha ngon Muda
Saleum Horeumat, keu saudara-saudari
Izin neubri, ulon meurika

Wahe sahbat lon, muda ngoen mudi
Bek hai akhi, toe ngon Narkoba
Meuka keunong, Inna lillahi
Susah han sakri, neutinggai teuma

Baci kalon, nibak tivi
Sidik investigasi, atawa beurita
Nyang ngui narkoba, hana kecuali
Dari Pramugari, sampoe aneuk sikula

Nyang ka keunong, gura han sakri
Sihari-hari, basoe that muka
Oh tateugor, ladoem han jituri
Seubabdikendali, oleh Narkoba

Nyang ka sakau, meulempah ngeri
Candu hai akhi, cukop meurana
Sunggoh nekat, nyang mengalami
Keusadaran diri, ladoem ka hana

Sayang that-that, dum generasi
Nyang meu-sahibi, deungon narkotika
Masa depan, aleh kiban hi
Allahu Rabbi, han Ek takira

Lon gantoe buhu, pakhoek lon ubah
Nak mangat pah,lanjoet meurika
Menyoe lagee soet, sang ka-kureung pah
Hana ceudah, watee ta-baca

Wahee Syedara, adoe-aduen meutuah
Beuna batah,deungon Narkotika
Ileume agama, dan hukom Allah
Iman meutuah, beu-teubai lam dada

Beuna tingat, keu Ma dan Ayah
Susah payah, gata geujaga
Banka rayeuk, ka peugot ulah
Malee meuleumpah, man sikeuluarga

Meunyo na beut, ileume geubahas
Hadir beubagah, simak beu-beuna
Beuna tajak, u Masjid-Meulasah
Tadeungoe surah, nibak syaikhuna

Akhe kalam, rakan meutuah
Katroek batah, rika lam haba
Tameu lakee, lindoeng bak Allah
Geu iradah, bak jalan beuna

Darut jidong, ateuh bak lawah
Ticem Siwah, jipoe meuputa
Meunyoe haba, dilon na salah
Neupeu meu'ah, wahai syedara.

Tweet